Ta’ kull sena l-ġenituri ta’ Ġesú kienu jmorru Ġerusalemm għall-festa tal-Għid.  Meta Ġesú kellu tnax-sena telgħu wkoll, skond id-drawwa ta’ dik il-festa.  Wara li għaddew dawk il-ġranet qabdu t-triq lura, imma t-tfajjel Ġesú baqa’ Ġerusalemm bla ma kienu jafu l-ġenituri tiegħu.  Huma ħasbuh qiegħed ma’ xi wħud li kienu fit-triq magħhom; iżda meta wara jum mixi fittxewh, ma sabuhx, u għalhekk reġgħu lura Ġerusalemm ifittxuh.

Wara tliet ijiem sabuh fit-tempju, bil-qiegħda f’nofs l-għalliema, jismagħhom u jistaqsihom; u kull min semgħu baqa’ mistagħġeb bid-dehen u t-tweġibiet tiegħu.